هل خطأ عمرو خالد أنه من المترفين

في سورة الإسراء ، آية 16و إذا أمرنا أن نهلك قرية أمرنا متروفيها ففسقوا فيها ، فحق عليها القول فدمرناها تدميرا "
ما أردت أن أقوله من عرض هذه الآية أن الترف الزائد هو سبب هلاك الأمة
و هناك الكثير من المترفين في مجتمعنا من ليس لهم أي ثقافة دينية
و اساسا مش عارفين هم عايشين ليه لان كل حاجة متوافرة عندهم و ببذخ
و بيعملوا كل حاجة و مش فارقة معاهم حرام ولا حلال
أعتقد أن ظهور عمر خالد في هذه الفئة من الشعب ضرورري جدا
لأن الشباب و خاصة في سن المراهقة من هم من الطبقة الراسمالية المترفة مش هيسمعوا لواحد
يبان عليه انه غلبان
لأن معروف هيقولوا عليه أيه
لكن لما يجي واحد منهم من نفس طبقتهم من الهاي كلاس زي ما هم شايفين نفسهم
ممكن جدا يسمعوا كلامه زي ما حصل فعلا و اللتفت عليه شباب كثير من الهاي كلاس
اساسا كان بيدي الدروس بتاعته في بيوت الناس دي
و حتى لما قيل أنه ازاي داعية يسمح ببنت مش لابسة حجاب تقعد معاه في الدرس
لان الناس دي مش مدركة ايه الحجاب اصلا و بعد كدا لو تابعوا عمر خالد كانوا هيلاقوا بيحث على الحجاب
بس ميزة انه لم يتبع اسلوب التهديد و الوعيد بل اتبع المستحب
ماهو مش معقولة ناس عايشة في الدنيا عيشة الملوك نقعد نقول لهم عذاب القبر
لا دخل لهم من مدخل نعيم الجنة الاكبر من نعيم الدنيا اللي هم عايشينه
من الاخر أحب أن أقول أن ترف عمر خالد نعمة و ليس نقمة
حتى على البسطاء
و طبعا الكل يعلم عقدة الخواجة او عقدة البرجوازية اللي بنحب نقلد كل من هم اعلى مننا و خاصة لو كان من الهاي كلاس

@@@@@@@@@@@@@@@@@