Saturday, May 13, 2006

يا أحنا يا هم

يا أحنا الشعب يا قوات الأمن في البلد
في حرب أهلية بين الشعب و قوات الأمن لا فتنة طائفية و لا مسألة أقلية
مسألة شرطة و شعب
يا ترى مين اللي هيكسب في الاخر ؟؟؟
البلد هتكون من نصيب مين ؟؟
Posted by at

2 comments:

aiman said...

راندا...

انا ماعرفش عمرك ايه ... بس انا عايش بشريحه في دراعي من ايام 18 و 19 يناير
...
احنا ما فيش بينا و بين نبوت الغفيراللي هو الامن المركزي اي كراهيه و مش لازم يكون ... دول اداه ...

بصي في سمار وشوشهم اللي لفحته شمس الغيط و من وراها شمس المعسكر و انتي تشوفي بعينك شكل الفقر و الذل و الجوع ... همه دول جدودي و جدودك اللي برضه خلعوهم من جدورهم من ارضهم علشان يحفروا القنال .. سخره تحت مسمي التجنيد الاجباري

اللي بينا وبينهم تار بايت هم النظام ... الراس الكبيره و نبوته اللي هو وزير داخليته و زبانية جهنم الساده الضباط بالاقدميه ... لواء و نازل لاخر ضابط بيدي امر لمجند مغلوب علي امره انه يضرب اخوه ...

يا راندا ربنا يلهمنا جميعا باختلاف عقائدنا او توجهاتنا ان نختار من نواجه و علي الارض المناسبه .. لان اللي بيحصل ده تشتيت للجهد ...

والسلم بيتكنس من فوق

14 May, 2006
راندا رأفت said...

أخ ايمن
عندك حق جدا في الكلام اللي قلته
النظاااااام
هو النظااااااام

اللي حول رجال الأمن إلى ارهابيين

لكن تفتكر هم مظلومين على طول الخط

لو بصيت شوية هتلاقي رجال الامن والبلطجية و بتوع الكارتية اللي بيأجروهم بقوا أكثر من الشعب
بيبيعوا ضميرهم و بلدهم في سبيل قرشين حلوين من الطواريء
بيتسيبوا على الناس كأنهم كلاب سعرانة

بدل ما تكون مصر بلد الأمان بقت بلد رجال مبارك و حاشيته

@@@@@@@@@@

أخ أيمن سعيدة بمتابعتك


تقديري

14 May, 2006

Post a Comment

Subscribe to: Post Comments (Atom)