رمضاااااااااااااني

وووووووو
ومرت السنة بسرعة كما هي عادتها

وهل علينا رمضان الكريم بكل الخير ، صلاة.. صوم...قرآن... تراويح... ياميش... وعزومات بتجمع العيلة...

رمضان بالنسبة لي شهر متعب جدا جدا... في البيت... شايلة هم الناس كلها اللي بنفطر معاهم واللي بنفطر عندهم وكمان اللي ما بشوفهمش اصلا في رمضان...
دا غير وقت الصلاة والقرآن اللي كل سنة بيقل عن اللي قبله...

نفسي أوي اقضي رمضان معتكفة عبادة فقط صلاة وصوم وقرآن... لكن أرجع افتكر أن طاعة الأم عبادة، لمة الناس على الفطار عبادة، لما الناس بيعجبها أي حاجة من العكعكة اللي أنا بعملها بكون مبسوطة اوي وبحس انهم مبسوطين ودي برضه عبادة، في ميزان حسناتي يعني،(إن شاء الله... دعواتكم معايا).

دا غير أن الثواب على قدر المشقة.

بدخل رمضان حاطة أيدي على قلبي من كثر التعب اللي بشوفة، وبخرج منه برضه حاطة ايدي على قلبي.. ياترى حاجة اتغيرت جوايا.. وخاصة أن الشهر دا بالذات برتاح فيه من التفكير في نفسي، ما بكنش ملك نفسي، فبتمنى دايما أنه يكون فرصه للتغيير واعادة الحسابات الكثير الغلط في حياتي... والله المستعان.

وكل سنة وانتم طيبيون

وكل سنة والأمة الإسلامية بخير، ورغم أن الجملة دي بنقولها كل سنة والحال للأسف بيتجه إلى الأسوأ، لكن برضه بتمنى أن تكون الأمة الإسلامية في خير.